رێژه‌ی ده‌نگدانی ئه‌م هه‌فته‌یه‌ی "تۆپ ستران" به‌م شێوه‌یه‌ بوو:

1- دیار ده‌رسیم 27,82 %
2- زه‌كریا 17,35%
3- دانا عه‌بدولجه‌بار 16,25%
4- هه‌ردی سه‌لاح 12,12%
5- عه‌بدولقه‌هار زاخۆیی 11,84 %
6- ئه‌یوب عه‌لی 4,95%
7- ئیسلام زاخۆیی 4,68%
 8- بڵند ئیبراهیم 2,47%
9- سه‌میر عه‌بدوڵڵا  1,92%
10- عوسمان عه‌بدوڵڵا 0,55%

بۆ ئه‌م هه‌فته‌یه‌ش هونه‌رمه‌ندی گۆرانیبێژ رۆژ كه‌ریم دوای ئه‌وه‌ی كه‌مترین ده‌نگی به‌ده‌ستهێنا له‌ لیستی پێشبرِكێی به‌رنامه‌ی تۆپ ستران ماڵئاوایی كرد، بۆ ئه‌م هه‌فته‌یه‌ش هونه‌رمه‌ندی گۆرانیبێژ عه‌زیز وه‌یسی هاته‌ نێو پێشبرِكێی به‌رنامه‌كه‌وه‌ و ژماره‌ (11)ی ده‌بێت.

به‌رنامه‌ی "تۆپ ستران"ی رادیۆی زاگرۆس كه‌ شه‌یدا شێخانی پێشكه‌شی ده‌كات، هه‌فتانه‌ له‌ دوو رۆژ داپێشكه‌ش ده‌كرێت، رۆژی دووشه‌ممه‌ تایبه‌ت به‌ وه‌رگرتنی راو پێشنیاری گوێگران و له‌ رۆژی پێنجشه‌ممه‌ هه‌موو ده‌نگه‌كان كۆده‌كرێنه‌وه‌ ئه‌ویش به‌ به‌شداری 11 هونه‌رمه‌ند و ئه‌نجامه‌كان راده‌گیێندرێت.

له‌و به‌رنامه‌یه‌دا هه‌ر هه‌فته‌و هونه‌رمه‌ندێك ماڵئاوایی له‌ به‌رنامه‌كه‌ ده‌كات، ئه‌ویش دوای ئه‌وه‌ی كه‌مترین ده‌نگ به‌ده‌ست دێنێت، ئه‌وكات ته‌نها 10 هونه‌رمه‌ندی گۆرانیبێژ ده‌مێنه‌وه‌ و هونه‌رمه‌ندێكی دیكه‌ بۆ هه‌فته‌ی دواتر ده‌خرێته‌ ناو پێشبرِكێكه‌وه‌.

گوێگرانی و هۆگرانی گۆرانی و موزیكی كوردی به‌ ناردنی كورته‌ نامه‌ی مۆبایل له‌ رێگه‌ی ژماره‌ (9201)ی كۆره‌ك تلیكۆمه‌وه‌ ده‌نگ بۆ هونه‌رمه‌نده‌كانیان ده‌ده‌ن.